Конкурс за регионални музички ѕвезди на фестивалот „Бисер на Јадранот“

Регионалниот музички фестивал „Бисер на Јадранот“ го отвори конкурсот за нови композиции за Регионалната вечер, која ќе се одржи на 19-ти јули 2025 во Тиват. Изведувачи од Македонија, Србија, БиХ, Хрватска и Словенија можат да се пријават до 14-ти мај, а песните што ќе бидат испратени мора да бидат оригинални и досега необјавени.

Пријавувањето започна на 14-ти февруари и трае до 14-ти мај. Фестивалската комисија ќе ги извести апликантите до 10-ти јуни дали нивната композиција е прифатена. Финално аранжирани верзии треба да се достават до 1-ви јули 2025.

Фестивалот гарантира ТВ пренос во живо, медиумска покриеност и настап на главната сцена за избраните учесници. Вкупниот наградeн фонд изнесува 12.000 евра, распределен за настапите на 18-ти и 19-ти јули.

Првата фестивалска вечер (18-ти јули) е резервирана за Домашна вечер со настапи на црногорски изведувачи, додека на 19-ти јули се одржува Регионалната вечер, каде што ќе настапат 20 најдобри учесници од целиот регион.

Право на учество имаат сите автори и изведувачи од регионот на поранешна Југославија. Учесниците треба да ја наведат категоријата на пријава: Домашна вечер (само изведувачи од Црна Гора) или Регионална вечер (учесници од останатите земји). Дуетските песни со изведувачи од две различни држави автоматски влегуваат во програмата на Регионалната вечер.

За пријава, потребно е да се испрати mp3 демо верзија на песната, биографија, две професионални фотографии, име на авторот/авторите, писмена согласност за учество и контакт телефон на е-пошта: [email protected].