Објавен е списокот на изведувачи за овогодинешниот фестивал Гластонбери

Најавен е првиот дел од изведувачите за Гластонбери 2025 година, а фановите се прилично задоволни бидејќи меѓу главните имиња на фестивалот се и две нови големи музички ѕвезди кои младите ги обожаваат, Оливија Родриго и Charli XCX.

Веќе беше познато дека Нил Јанг (кој накратко се повлече, а потоа се предомисли) и Род Стјуарт ќе настапат во недела попладне. Сега е потврдено дека бендот The 1975 ќе им се придружи како хедлајнери во петок и Оливија Родриго како главна ѕвезда во недела.

Фестивалот Гластонбери се одржува во Сомерсет, а оваа година во периодот од 25 до 29 јуни. Настапот на The 1975 ќе биде нивниот прв голем концерт откако најавија пауза во 2023 година по завршувањето на нивната турнеја.

View this post on Instagram

A post shared by Glastonbury Festival (@glastofest)

На официјалниот плакат се наведени многу други изведувачи кои ќе настапат за време на фестивалскиот викенд, а организаторите велат дека ова е само мал дел од она што публиката ќе може да го види на повеќе од 100 сцени. Петок носи изведби на уметници како Аланис Морисет, Марибу Стејт, Грејси Абрамс, Фоур Тет, Вет Лега, Блосомс и Лола Јанг.

Саботата ќе биде исполнета со големи имиња како Charli XCX, Raye, Doechii, Ezra Collective, Father John Misty и Gary Numan.

За големото финале во недела, заедно со хедлајнерот Оливија Родриго, ќе настапат и The Prodigy, Noah Kahan, The Libertines, Nile Rogers & Chic и AJ Tracey.

View this post on Instagram

A post shared by Glastonbury Festival (@glastofest)

Обожавателите најмногу се воодушевени од првите имиња на листата. Многумина веќе планираат како да дојдат до билети во екстремно конкурентната продажба на преостанатите билети, додека други стравуваат од можни преклопувачки изведби на нивните омилени уметници.

За потсетување, билетите за овогодинешниот фестивал се распродадоа за само 35 минути.