Пинк и Џастин Тимберлејк – главни ѕвезди на „Супер боул“ (ВИДЕО)

На Пинк конечно и се оствари сонот –  да ја запее американската химна на фудбалскиот спектакл „Супер боул“ во Америка.

Познатата американска пејачка и покрај тоа што имаше здравствени проблеми со грлото беше на висината на задачата од пејачки и сценски аспект.

Според пораката на Инстаграм, за неа била огромна чест да се настапи на сцената на Супер Боул и да пее пред цела Америка како и нејзините најблиски, а тоа и било желба уште од 1991.

На полувремето, пак, сцената на теренот му припадна на единствениот Џастин Тимберлејк, кој заигра и запеа како во најдобрите години. Сексапилен пејач ги потсети присутните, но и милионскиот аудиториум ширум светот на своите најголеми хитови, но исто така му оддаде почит на покојниот пејач Принс (Prince).

Инаку, Тимберлејк по трет пат се појавува на одржувањето на „Супер боул“.