По бројните шпекулации Северина го потврди разводот со Игор Којиќ
Пејачката Северина и нејзиниот, сега веќе поранешен сопруг, Игор Којиќ, дефинитивно ставија крај на бракот, по бројните индиции дека долго време нешто не е во ред меѓу нив двајца.
Во јавноста се зборува дека тие се разделиле уште лани во октомври. Оттогаш Северина живее во Загреб, а Игор е во Белград.
Имено, Северина сега е официјално разведена, бидејќи и двајцата потпишаа документи за развод, вчера во Загреб, пренесуваат медиумите во регионот.
Во ексклузивната изјава за еден хрватски медиум пејачката потврдила дека се развела од Игор Којиќ.
-Одлуката за развод ја донесовме заеднички, со заеднички договор и нема да ја коментираме понатаму. Мојата посветеност кон мојот син и борбата за старателство беа во целосен фокус во изминатите 20 месеци. Игор беше прекрасен партнер и голема поддршка во многу тежок период од мојот живот и му ја посакувам целата среќа на светот. Знам дека сум јавна личност, но не сум јавна вреќа. Секоја разделба е тешка и ги молам медиумите да се воздржат од пишување глупости и непроверени озборувања. Мојот живот не можете да ми го влошите, но сепак имате шанса да го поправите вашиот – изјавила Северина.
