Сцена
Прва фотографија од новиот филм на Кристофер Нолан: Мет Дејмон како Одисеј
Universal Pictures го објави првиот поглед на претстојниот филм на Кристофер Нолан, неговата верзија на Одисеја на Хомер.
Universal на социјалните мрежи ја објави првата фотографија на Мет Дејмон во костим од филмот, откривајќи дека тој ќе го глуми Одисеј.
Фотографијата на познатиот актер беше објавена со натпис: „Мет Дејмон е Одисеј. Филмот на Кристофер Нолан #TheOdysseusMovie, во кината на 17 јули 2026 година“.
Засега не се откриени многу детали за филмот, но позната е импресивната актерска екипа. Заедно со Дејмон, во „Одисеја“ ќе глумат Том Холанд, Миа Гот, Зендаја, Ен Хатавеј, Лупита Нионго, Роберт Патинсон, Шарлиз Терон.
Филмот ќе има буџет од 250 милиони долари, што ќе го направи најскапиот филм со Мет Дејмон во главната улога. Филмот ќе се снима на повеќе локации во Британија, Мароко и Сицилија. Овој филм ќе биде првиот проект на Нолан по успехот на филмот „Опенхајмер“.
„Одисеја“, познатиот еп на Хомер, го следи грчкиот херој Одисеј на неговото опасно и возбудливо патување дома по Тројанската војна.
Дејмон се откажа од снимањето на нов трилер со неговиот долгогодишен пријател и колега Бен Афлек за да глуми во „Одисеја“.
