Ѕвездите на „Емили во Париз“ ја завршија љубовната романса

Врската меѓу актерите Ешли Парк и Пол Форман, познати од хит-серијата „Емили во Париз“, изгледа е завршена. Иако официјална потврда сè уште нема, шпекулациите од светските медиуми и објавите на социјалните мрежи сугерираат дека приказната е вистинита.

Двајцата се запознаа за време на снимањето на серијата и првпат беа видени заедно во 2023 година. Врската ја потврдија нешто подоцна, на романтичен начин кој ги освои обожавателите ширум светот.

Минатата година Ешли откри дека поминала низ тежок здравствен предизвик – септичен шок – а токму Пол бил тој што цело време ѝ бил поддршка.

View this post on Instagram

A post shared by Ashley Park (@ashleyparklady)

Интересно е што актерката по прекинот со својот поранешен партнер изјави дека повеќе не сака врска со колега, но Пол бил исклучок. „Првото нешто што ми го рече беше дека никогаш не бил во врска со актерка. Мислев дека се шегува“, раскажа таа во интервју за „Космополитен“.

Иако признава дека „згодните момци не се нејзин тип“, љубовта со Пол беше поинаква. Но, по неколку години заедништво, нивната приказна очигледно завршува, оставајќи зад себе бројни заеднички фотографии и спомени што ги воодушевуваа фановите.