Канје Вест вели дека Бог ќе го спои со Ким Кардашијан
Ријалити ѕвездата Ким Кардашијан повеќе не ја крие врската со 13 години помладиот комичар, но нејзиниот поранешен сопруг Канје сепак ја игнорира нивната романса. Тој е убеден дека за празниците ќе го обедини семејството и ќе ја врати „сопругата“.
Во средата, на 24 ноември, раперот „Је“, порано познат како Канје Вест, рече дека сака да го „обнови“ своето семејство со отуѓената сопруга Ким Кардашијан и нивните четири деца Норт, Сеинт, Чикаго и Псалм. Тој ги сподели своите планови за можно помирување при посетата на мисијата во Л.А., каде одржа страстен говор за важноста да се биде со саканите. Toj изјави дека Бог повторно ќе ги спои него и отуѓената сопруга Ким Кардашијан, бидејќи тој призна дека направил „грешки“ во бракот.
Вест (44) зборуваше за својот брак додека доставуваше 1.000 оброци во Лос Анџелес пред празникот Денот на благодарноста.
-Наративот што Бог го сака е да види дека можеме да бидеме откупени во сите овие врски. Направивме грешки. Направив грешки. Јавно правев работи што не беа прифатливи како сопруг, но токму сега, од која било причина – не знаев дека ќе бидам пред овој микрофон – но тука сум да го сменам наративот – изјави раперот.
-Денот на благодарноста е време за обновување на семејството. Утрово се чувствував многу благословен бидејќи станав, вежбав и имам можност да си одам дома и да ги видам сопругата и децата. Така е. Реков „мојата сопруга и моите деца“, и сакам сите да се молите за моето семејство – истакна Канје.
Канје проговори за статусот на врската, бидејќи новата романса на Кардашијан со Пит Дејвидсон продолжува да ги полни насловните страници.
Ким Кардашијан (41) и Пит Дејвидсон (28) од неодамна и официјално се во врска. Последните денови тие се почесто се појавуваат заедно во јавност, а минатиот викенд уживаа во романтична вечера во ресторан во Санта Моника.
