Манекенката Ешли Греам роди близнаци: „Тие се родија дома. Тие се среќни и здрави“
Американската плус сајз манекенка и водителка Ешли Греам (34) на Инстаграм ја објави веста дека родила близнаци, односно две момчиња.
– Џастин и јас сме пресреќни што можеме да ви кажеме дека нашите момчиња пристигнаа. Тие се родени рано утрово дома. Тие се среќни и здрави – објави Ешли во петокот.
Таа рече дека ќе и треба малку време да се опорави по породувањето, но и да помине време со синовите и сопругот.
-Ќе одвојам малку време да заздравам и да се поминам со сопругот и нашите три момчиња, но навистина едвај чекам да споделам се со вас – заклучила таа.
Греам секогаш на својот Инстаграм профил ги споделувала своите искуства со мајчинството, но и бременоста. Со своите следбеници секогаш ги споделувала сите убави, но и помалку убави моменти.
Така објаснила дека од големиот стомак додека ги чекала своите близнаци не можела ни да се наведне.
Поради нејзината искреност, таа беше поддржана од многу жени кои ја пофалија поради тоа што им помагаше на другите трудници да го прифатат нивното тело за време на бременоста и сите промени кои доаѓаат со неа.
