Опра Винфри со неверојатна трансформација: Откри како го постигнала резултатот да ослабне 50 килограми

Американската водителка Опра Винфри беше фотографирана пред теретана во Санта Барбара, при што нејзината значителна физичка трансформација не остана незабележана. По операцијата на коленото во 2021 година, таа одлучила целосно да го промени начинот на живот.

„Почнав со планинарење, секоја недела си поставував нови цели. Сега пешачам до осум километри дневно и се чувствувам посилно и поподвижно“, сподели Винфри. Таа откри дека последниот оброк го јаде во 16 часот и пие околу четири литри вода дневно.

Иако денес добива пофалби, низ годините се соочувала со негативни коментари и критики. „Таблоидите и комичарите редовно се шегуваа на моја сметка, а јас мислев дека го заслужувам тоа“, откри таа. Сепак, со упорност и дисциплина, успеа да ја постигне посакуваната промена.