Позната актерка го обвини Илон Маск дека поради него добива смртни закани: Го нарече фашист и идиот

Актерката Ајо Едебири, најпозната по улогата во серијата „The Bear“, откри дека добила „страшни смртни закани“ откако Илон Маск сподели лажни информации за нејзината улога во новата верзија на филмот „Пиратите од Карибите“.

Актерката објави на социјалните мрежи за инцидент кој се случил минатата година за кој рече дека резултирал со расизам и смртни закани кон неа.

Имено, според Едебири, Маск тогаш споделил твит од десничарскиот профил „Unlimited L’s“, кој очигледно немал никаква поврзаност или увид, за нејзината замена на Џони Деп во новата верзија на филмот, при што Маск коментирал „Дизни е ср*ње“.

„Кога ќе се сетам дека ги добив некои од најлудите смртни закани и расни навреди во мојот живот (не знам дали е момент број 1, но сигурно топ 3) за лажна преработка на филм за која никогаш не сум ни слушнала, сето тоа поради овој човек“, напиша Едебири на социјалните мрежи, покрај оригиналната објава на Маск. Тогаш таа го нарече Илон „фашист“ и „идиот“.

На нејзиниот коментар одговори оригиналниот профил кој прв ја сподели приказната, велејќи: „Јасно кажав „наводно“, бидејќи тоа беше најновата информација што дојде од веродостојни холивудски извори. Се разбира, јас сум огромен обожавател на господин Маск. Тој ја има мојата доживотна лојалност“, напишал сопственикот на профилот.

Како што пренесува „Гардијан“, оваа гласина не е потврдена од ниту еден веродостоен медиум од индустријата. Инаку, продуцентот Џери Брукхајмер минатата година потврди дека „Пиратите од Карибите“ ќе добие нова верзија, но не сакаше да потврди дали Џони Деп ќе биде дел од филмот.