Тимоти Шаламе открива: „Морав да накачам 10 килограми за улогата на Дилан“

Тимоти Шаламет (29), актерот номиниран за Оскар за улогата на Боб Дилан во биографскиот филм „A Complete Unknown“, откри колку посветеност морал да вложи во играњето на Дилан.

– Верувале или не, јас бев послаб од него. Потенок од Боб. Морав да накачам 10 килограми за да станам Боб Дилан, изјави актерот за AP News, додавајќи дека покрај физичката промена, морал да го научи и однесувањето на Дилан.

Шаламе мораше да пее, да зборува, да свири гитара и усна хармоника како Боб, па дури и да оди и да се движи како него, а во еден момент дури и ги имал залепено текстовите на песните на Дилан на неговиот ѕид.

Тој го посетил домот на Дилан од детството и патувал низ дел од Средниот Запад за да ги следи неговите стапки.

– Поентата беше да ја почувствувам енергијата на овие места и да преболам некои од несигурностите што ги имав од растењето во центарот на Менхетен во 2000-тите, изјави младиот актер.

Шаламе требаше да има четири месеци да се подготви за оваа улога бидејќи улогата ја доби уште во 2018 година, но поради пандемијата и се што се случуваше во светот, рокот беше продолжен на пет години. Подготовката траеше толку долго што актерот веќе вежбаше да пее како Дилан на снимањето на Вили Вонка и филмот „Dune“.

Боб Дилан (83) се огласи на социјалните мрежи за да го поддржи филмот и актерот кој ќе го портретира во неговите помлади денови.

– Тими е брилијантен актер, па сигурен сум дека ќе биде убедлив како и јас. Или јас помлад. Или некој друг јас. Филмот е адаптиран од книгата на Elijah Wald, Dylan Goes Electric – книга што излезе во 2015 година. Тоа е фантастично прераскажување на настаните од раните 60-ти кои доведоа до фијаското во Њупорт. Откако ќе го погледнете филмот, прочитајте ја книгата – напиша Дилан на платформата Х.

Актерот се уште не го запознал славниот Боб Дилан, а доколку има шанса би сакал да му се заблагодари.

– Не би му се заблагодарил за искуството да се сретнам со него или за искуството играјќи ја оваа улога. Би му се заблагодарил за неговата музика, уметност и дела, рече Шаламет.