Сцена
Започнува филмскиот фестивал во Кан: 19 филмови се натпреваруваат за Златната палма
Најпрестижниот филмски фестивал – Канскиот филмски фестивал ќе се одржи од 13 до 24 мај. Ова е негово 78-мо издание, а во натпреварувачкиот дел од програмата има 19 филмови.
Во трката се етаблирани режисери како Вес Андерсон и браќата Дарден, како и млади режисери кои штотуку ги започнуваат своите кариери, вклучувајќи го и Ари Астер.
Оваа година се натпреваруваат шест режисерки: Јулија Дукурно, Кели Рајхарт, Хафсија Херци, Карла Симон, Чие Хајакава и Маша Шилински.
Уметничкиот директор на Канскиот филмски фестивал, Тиери Фремо, изјави дека фестивалот годинава примил рекордни 2.909 пријави. Целосната листа на филмови во конкуренција е следната:
“Alpha” – Julia Ducournau
“Dossier 137” – Dominik Moll
“Eddington” – Ari Aster
“Eagles of the Republic” – Tarik Saleh
“Fuori” – Mario Martone
“The History of Sound” – Oliver Hermanus
“The Mastermind” – Kelly Reichardt
“Nouvelle Vague” – Richard Linklater
“La Petite Derniere” – Hafsia Herzi
“The Phoenician Scheme” – Wes Anderson
“Renoir” – Chie Hayakawa
“Romeria” – Carla Simon
“The Secret Agent” – Kleber Mendonca Filho
“Sentimental Value” – Joachim Trier
“A Simple Accident” – Jafar Panahi
“Sirat” – Oliver Laxe
“Sound of Falling” – Mascha Schilinski
“Two Prosecutors” – Sergei Loznitsa
“The Young Mother’s Home” – Jean-Pierre и Luc Dardenne
Жирито на натпреварувачката програма ќе го води Жулиет Бинош. Роберт де Ниро ќе ја добие почесната Златна палма.
Целосната програма можете да ја погледнете тука.
Во последниве години, добитниците на престижната „Златна палма“ станаа главни фаворити и во подоцнежната сезона на доделување награди, а филмови како „Parasite“ и „Anora“ на крајот триумфираа во категоријата за најдобар филм на Оскарите. Други филмови што премиерно се прикажаа, исто така, редовно добиваат критички пофалби, вклучувајќи ги неодамнешните омилени филмови како „Anatomy of a Fall“, „The Zone of Interest“ и „Emilia Pérez“.
