Уапсени лекари и блиски соработници во врска со смртта на Метју Пери!

Мрежа од луѓе мотивирани од алчност – двајца лекари, личен асистент, познаник и дилер на дрога позната како „Кралица на кетаминот“ – се заговориле да му дадат на Метју Пери кетамин што ја предизвикал неговата смрт од случајно предозирање минатата година, објавија федералните власти.

Според федералното обвинение, двајцата лекари првично го снабдувале актерот со неговите залихи со кетамин, а кога лековите станале прескапи, тој ги набавувал од други извори, вклучително и жена позната како „Кралицата на кетаминот на Лос Анџелес“.

Уапсени се Јасвен Санга (41), „Кралицата на кетаминот“, Др. Салвадор Пласенсија (42), д-р. Марк Чавез (54) и личните асистенти на актерот Кенет Ивамаса (59) и Ерик Флеминг (54), пренесува Фокс. Би-би-си известува дека истрагата открила широка криминална мрежа на добавувачи на кетамин кои го снабдувале лекот на Пери и ги искористиле неговите проблеми со зависноста и ранливата состојба за да се збогатат, велат властите.

„Тие знаеја дека тоа што го прават е погрешно. Тие знаеја дека тоа што го прават ризикува голема опасност за г-дин Пери“, рече американскиот обвинител Мартин Естрада на прес-конференција. „Но, тие сепак го направија тоа. На крајот, овие обвинети беа повеќе заинтересирани да профитираат од г-дин Пери отколку да се грижат за неговата благосостојба“.

Ивамаса и Флеминг се споменуваат како созаговорници. Санга и Пласенсија работеа со нив за да дистрибуираат кетамин до Пери од септември до октомври минатата година. Тие му дадоа приближно 20 шишенца кетамин за 55.000 долари во готовина.

Марк Чавез призна дека му го продавал кетаминот на Пласенсија кој го набавувал од неговата поранешна клиника. Флеминг призна дека го дистрибуирал кетаминот што го уби Пери и дека го набавил од Санга. Тој признал и дека на личниот асистент на Пери, Кенет Ивамаса, му дал 50 ампули со кетамин, од кои половината четири дена пред смртта на актерот, пишува Би-Би-Си.

Асистентот Кенет Имаваса, кој живеел заедно со него ја призна вината, дека тој му ја инјектирал последната доза кетамин, која го усмрти актерот.

Државниот обвинител Мартин Естрада откри дека во домот на Пери биле пронајдени 80 ампули кетамин, како и кокаин и други таблети. Обвинетите користеле кодиран јазик за етикетирање на дрогата.

Една СМС порака испратена од Салвадор Пласенсија гласеше: „Се прашуваме колку ќе плати овој морон“. Полицијата истакна дека Пласенсија бил свесен за опасностите од кетаминот и за несаканите ефекти кои актерот ги доживувал од земањето на лекот.

„Кралицата на кетаминот“ му продала на актерот 50 ампули кетамин за 11.000 долари, а инспекторите додадоа дека една серија кетамин што таа ја продала била поврзана со смртта на Пери минатиот октомври. Полицијата изјавила дека осомничените виделе можност да заработат брз профит и наплатиле дури 2.000 долари за шише кетамин, кое обично чини 12 долари.

Асистентот на Пери, Ивамаса се соочува со затворска казна до 15 години, Флеминг до 25 години, додека Чавез може да биде осуден на 10 години затвор. Доколку биде прогласена за виновна по сите точки, Санга ќе се соочи со затворска казна од 10 години до доживотен затвор, додека на Пласенсија му се заканува затворска казна до 120 години.