ПОБРЗАЈТЕ: Почна резервацијата на билети за Суперкупот во Скопје

Започна резервацијата на билети за големиот спектакл – Суперкупот на УЕФА, кој на 8 август ќе се одржи на арената „Филип Втори“ во Скопје.

Секој сака во живо да го следи мечот меѓу Манчестер јунајтед, како победник во Лигата на Европа, и првакот во Лигата на шампионите, кој ќе биде одлучен на 3 јуни во Кардиф, меѓу Реал Мадрид и Јувентус.

На онлајн системот може да се резервира само бројот на посакуваните билети на еден од сајтовите што се бави со препродажба на билети од големи настани, но тоа не значи и дека веќе сте завршиле работа за онлајн купување на скапоцената влезница.

По ова ќе треба да бидете дополнително контактирани, и да ви биде дадена информација за точната цена на влезниците, и рокот за плаќање.

Онлајн продажбата на билетите на УЕФА ќе започне дури откако ќе се одигра финалето во Лигата на шампионите, а УЕФА дополнително ќе го најави точниот датум.

Вашиот билет можете да го регистрирате на следниот линк: http://uefafinaltickets.com/football-en/supercup-uefa-en/17566