Поврзи се со нас
Маркетинг

Популарно.мк

АЕТМ: Граѓаните може да го дадат својот глас и да ги одберат најдобрите во македонската е-трговија

Актуелно

АЕТМ: Граѓаните може да го дадат својот глас и да ги одберат најдобрите во македонската е-трговија

Во петокот официјално започна јавното гласање за е-трговците кои се номинираа на Изборот за најдобрите во македонската е-трговија – „Ecommerce Awards“, во организација на Асоцијацијата за е-трговија на Македонија.

Првите награди за е-трговија во нашата држава ќе ја препознаат, наградат и промовираат извонредноста на е-трговците во повеќе секции – од „Најдобри е-трговци во одбрани аспекти на онлајн продавање“ и „Најдобри е-продавници по сектори“, до „Шампиони во е-трговија“, каде ќе се додели и главната награда „Е-трговец на годината“.

Гласањето од страна на јавноста е бесплатно и отворено до 10.02.2022. Гласањето може да се направи на следниот линк. По завршување на гласањето од јавноста ќе следи гласање од жири комисијата составена од стручни лица кои се внимателно одбрани за да придонесат во изборот на најдобрите е-трговци во сите категории, освен категоријата „Најпопуларна е-продавница“ во која наградата ќе се додели единствено врз основа на бројот на гласовите од јавноста.

АЕТМ ги повикува сите оналјн купувачи и корисници да го дадат својот глас со што ќе придонесат во изборот на победниците. Покрај за омилените е-продавници од кои граѓаните купуваат онлајн облека, обувки, козметика, намирници и други производи и услуги, тие ќе може да гласаат и за најдобрата веб страна за плаќање сметки онлајн во која се номинирани 6 компании, како и за најдобро владино решение од областа на оналјн услуги во кое се номинирани 7 решенија од министерства и владини институции.

Инаку, процесот започна пријавување на е-трговците на официјалната веб страница на натпреварот кое траеше до 12ти јануари. Од АЕТМ известуваат дека интересот за натпреварот ги надминал очекувањата и пријавувањето завршило со речиси 150 пријави во 18 категории.

„E-commerce Awards“ – првите награди во е-трговија, ќе ги препознае и награди најдобрите, ќе придонесе за промоција на е-трговијата и кревање на свеста за нејзиниот потенцијал, а од друга страна ќе придонесе за зајакнување на конкурентноста и охрабрување и мотивирање на е-трговците за подобрување и унапредување на нивното работење.

Иницијативата „E-commerce Awards” е поддржана од Отворен регионален фонд за Југоисточна Европа – Надворешна трговија во рамки на Германското друштво за интернационална соработка ГИЗ, по нарачка на Германската влада. Генерален партнер на иницијативата е Мастеркард. Дополнително, заинтересираните компании кои сакаат да придонесат во организацијата на оваа иницијатива ќе имаат можност да се вклучат како поддржувачи.

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.
Please accept [renew_consent]%cookie_types[/renew_consent] cookies to watch this video.