ЕУ го активира новиот систем за гранична контрола во октомври 2025 – апликацијата ќе чини 20 евра

Европската Унија официјално ќе го активира новиот Систем за влез/излез (EES) на 12 октомври 2025 година. Системот ќе регистрира сите краткорочни посети на државјани од трети земји при премин на надворешните граници, со внес на биометриски податоци како отпечатоци од прсти и слика од лице.

Имплементацијата ќе се одвива постепено и ќе биде целосно завршена до април 2026. Новиот систем треба да ги забрза контролите и да ја замени потребата од пасошки печат.

Дополнително, од крајот на 2026 ќе биде воведен и ETIAS – електронски систем за овластување за патување, сличен на американскиот ESTA. Патниците од земји кои не се членки на ЕУ, но се ослободени од виза, ќе мора да аплицираат онлајн и да платат 20 евра. Ова овластување ќе важи три години или до истек на пасошот и ќе овозможува престој до 90 дена во период од 180 дена.

ETIAS нема да важи за државјани со дозвола за престој во ЕУ, ниту за носители на ЕУ пасоши.

Повеќето апликации ќе се обработуваат за неколку минути, а најдоцна во рок од 96 часа. За пријавување ќе биде потребен валиден пасош и платежна картичка.