fbpx
Поврзи се со нас
Маркетинг

Популарно.мк

Компанијата dm дрогерие маркт донираше концентратори за кислород

Актуелно

Компанијата dm дрогерие маркт донираше концентратори за кислород

Маркетинг

Компанијата dm дрогерие маркт донираше концентратори за кислород

Со цел да придонесе во борбата против Covid-19 компанијата dm дрогерие маркт донираше два концентратори за кислород со капацитет од 10 л. Кислородните концентратори се донирани и ставени на располагање во ЈЗУ Општа болница Велес.

„Социјалниот ангажман и одговорноста кон заедницата се секогаш на врвот на приоритети на нашата компанија, а во моменти кога како општество сме соочени со можеби најголемиот предизвик на денешницата – глобалната пандемија, навистина е неопходна сечија солидарност, со цел да излеземе како победници од оваа битка“ , велат од компанијата.

Од почетокот на пандемијата компанијата dm дрогерие маркт активно придонесува во борбата против корона вирусот, за што говорат бројните активности кои компанијата ги спроведе изминатата година. Имено, од самиот почеток на пандемијата компанијата dm дрогерие маркт донираше производи за дезинфекција и лична хигиена во вредност од 2.000 евра во Националното Здружение на медицински сестри, техничари и акушерки (ЗМСТАМ). Неодамна, компанијата донираше и два респиратори во вкупна вредност од 36.600 евра во Министерството за Здравство на Република С. Македонија, кое, согласно потребите на здравствените институции во земјата, донацијата ја пренасочи кон ЈЗУ Општа болница – Кавадарци и ЈЗУ Клиничка болница Битола.

Покрај бројните заложби за општествена одговорност во овој предизвикувачки период, компанијата уште еднаш на дело го потврди принципот дека компанијата постои поради луѓето, а не обратно. Имено, покрај 14 редовни плати во текот на годината, во деловната 2019/20 година на сите вработени во компанијата им беше исплатен вонреден бонус во износ од 9.000 денари. На овој начин, најголемиот дрогериски ланец во Европа дополнително вложи повеќе од 2.1 милион денари за поддршка на своите вработени во време на кризата предизвикана од светската пандемија на Covid-19.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.