Доналд Трамп среќен за исвиркувањето на Тејлор Свифт на Супербоул: „Светот зацелува!“

Мегаѕвездата Тејлор Свифт се најде во центарот на вниманието на Супербоулот, но не поради музички настап, туку поради реакцијата на дел од публиката. Додека го следеше натпреварот и го бодреше своето момче, Тревис Келче од Канзас Сити Чифс, неочекувано беше исвиркана од трибините.

Според снимките од преносот, во моментот кога нејзиниот лик се појави на големите екрани, се слушнаа свирежи, на што Свифт видно изненадено прокоментира: „Што се случува?“

Taylor Swift got showed on the big screen and got booed aggressively.

She asks: “What’s going on?”pic.twitter.com/1CSLjNanmK

— Ari Meirov (@MySportsUpdate) February 9, 2025

Настанот брзо стана тема на разговор на социјалните мрежи, а коментар не изостана ниту од поранешниот американски претседател Доналд Трамп. Тој на својата платформа Truth Social сподели објава во која стоеше: „Трамп добива овации на Супербоулот, додека Тејлор Свифт е исвиркана. Светот зацелува.“

Тензијата меѓу Свифт и Трамп не е новост. Пејачката во неколку наврати јавно ги критикуваше неговите политики, а минатата година ја поддржа Камала Харис, што предизвика бурна реакција од Трамп, кој тогаш напиша: „Ја мразам Тејлор Свифт!“

И додека политичките преписки продолжуваат, спортските и музичките моменти на Супербоулот останаа во фокусот. Посебно внимание привлече настапот на Кендрик Ламар, кој со песната Not Like Us испрати провокација кон својот ривал Дрејк, разгорувајќи нови дебати во хип-хоп заедницата.