Двајца малолетници претепани во автобус на ЈСП кај Бит Пазар

Двајца малолетници вчера биле физички нападнати од десетина машки лица во автобус на ЈСП Скопје во близина на Бит Пазар, соопшти МВР. 

Случајот во полиција бил пријавен околу 17.00 часот од страна на диспечерскиот центар на „ЈСП“. Двете 17-годишни момчиња од с.Ормани и од с.Мирковци се превезувале во автобус бр.50 на ЈСП кој се движел од Бит Пазар кон Центар. Во близина на Бит Пазар десетина непознати машки лица, на горниот кат од автобусот, физички ги нападнале, при што им нанеле видливи повреди по лицето и телото.

МВР презема мерки за пронаоѓање на сторителите и за целосно расчистување на случајот.