ФОТО: Поставени палми во паркот „Македонија“

Насловната фотографија е преземена од порталот Мкд.мк

Жителите на Скопје овие денови можеа да ги забележат новите палми засадени во паркот „Македонија“, спроти Алумина.

Од претпријатието „Паркови и зеленило“ информираат дека со засадување на палмите почнале вчера. До денеска имале налог за засадување на 13 палми. Тие велат дека не го знаат точниот број на палми кои ќе бидат засадени во овој парк.

Ова не се први палми во Скопје. Пред неколку години, првпат овие тропски растенија беа засадени на двете градски плажи. Дел од нив не ја преживеаја ни првата сезона. Неодамна Градот распиша оглас за набавка на палми кои планира да ги засади во паркот „Жена-борец“, пренесува порталот Скопје Инфо.