Пешак загина во сообраќајка во Куманово

Едно лице почина откако во него удри автомобил во центарот на Куманово.

Несреќата се случи пред 22 часот на улицата „Гоце Делчев“ кога средовечниот маж ја преминувал улицата и во него удрил автомобил кој се движел од улицата кон булеварот „Трета МУБ“.

Екипата на Итната медицинска помош која веднаш пристигнала на местото на настанот констатирала смрт. Извршен е увид на местото на несреќата од страна на екипа од СВР Куманово и јавен обвинител.