ПРОДОЛЖЕН ВИКЕНД: Облачно со врнежи од дожд и заладување

Времето во Македонија ќе биде претежно облачно со повремени врнежи од дожд, особено во западните делови.

Попладне и во вечерните часови можно е дождот краткотрајно да биде пороен и проследен со ретка појава на грмежи. Ќе дува умерен, на места повремено засилен јужен ветер.

Утринската температура ќе се движи од седум до 13, а дневната од 21 до 27 степени.

Во Скопје ќе биде променливо облачно со повремен дожд и со умерен јужен ветер. Температурата ќе се движи од 11 до 25 степени.

Во недела на повеќе места ќе има врнежи од дожд, локално проследени со грмежи. Ќе дува умерен до засилен североисточен ветер, кој ќе предизвика опаѓање на температурата за 4 до 5 степени.

Локален дожд со услови за ретки грмежи се очекуваат и во текот на следната работна недела, кога поради јужното воздушно струење, дневните температури повторно ќе бидат во пораст.