Сончево и топло, попладне дожд во делови од земјата

Времето денеска претпладне во Македонија ќе биде сончево и топло со мала до умерена локална облачност, а попладне особено кон крајот на денот во западните делови можна е појава на краткотраен пороен дожд и ретки грмежи.

УВ-индексот ќе изнесува 7.

Утринската температура ќе се движи од четири до 13, а дневната од 24 до 30 степени.

Во Скопје времето ќе биде сончево со умерена облачност и со слаб ветер од променлив правец. Утринската температура ќе се спушти до осум, а дневната ќе се искачи до 28 степени.

До среда во претпладневните часови ќе преовладува сончево време со мала до умерена облачност, а во попладневните часови можна е изолирана појава на краткотраен пороен дожд и ретки грмежи.