Сончево, попладне краткотраен дожд

Времето во Македонија ќе биде сончево со мала до умерена облачност, попладне со локален краткотраен дожд и со услови за појава на грмежи. Ќе дува слаб до умерен ветер од северен правец.

Утринската температура ќе се движи од три до 10, а дневната од 17 до 24 степени.

Во Скопје ќе биде променливо облачно со сончеви периоди. Попладне со локален краткотраен дожд и со можни ретки грмежи. Ќе дува слаб до умерен ветер од северозападен правец.

Утринската температура ќе достигне до седум, а дневната до 22 степени.

Во наредните денови во претпладневните часови ќе биде сончево со умерена облачност, а во попладневните ќе има зголемување на облачноста, со услови за краткотраен пороен дожд и ретки грмежи, особено во сабота, кога нестабилноста ќе биде поизразена. Температурата на воздухот ќе биде во постепено покачување.