Поврзи се со нас
Маркетинг

Популарно.мк

Трет ден бојкот во училиштата: Средношколците од две скопски гимназии избркани од училишниот двор

Актуелно

Трет ден бојкот во училиштата: Средношколците од две скопски гимназии избркани од училишниот двор

ФОТО: Дарко Поповски / Популарно.мк

Трет ден учениците ја бојкотираат наставата во средните училишта. 

Утрово во неколку гимназии меѓу кои Раде Јовчевски Корчагин и Ѓорги Димитров, учениците се пожалија дека им биле затворени вратите од страна на директорите и им било оневозможено да влезат во холот на училиштето.

– „Кога дојдовме во училиште видовме дека нашиот двор е заклучен и дека не можеме да пристапиме до него. Без никакво образложение, како ученици од трета и четврта година, бевме избркани од училиштето од страна на директорот, со образложение дека не сме во нашата смена, а дека сме имале намера да ги повикуваме останатите ученици на бојкот.“ – изјави матурантка од гимназијата Корчагин.

Според информациите на пленумците, во ГУЦ „Здравко Цветковски“ од Скопје, учениците вчера биле заклучени, но од надворешна страна и не им било дозволено да влезат во училиштето доколку не одат на настава. Затоа учениците вчера останале во дворот. Потоа училиштето го посетила и инспекција.

Од вчера вонредни родителски состаноци има во сите училишта каде што се бојкотира наставата. Родителите во најголем број ги поддржуваат своите деца, но и тие се пожалија на притисоци.

Велат од нив било побарано да потпишат писмени изјави за бојкотот и за полагање на математика како дел од државната матура, во спротивно им било речено дека ќе се соочат со санкции. Бојкот на наставата денеска ќе има и во Tетово, Куманово, Велес и Охрид.

Средношколскиот пленум најави радикализација на мерките откако надлежните од Министерството за образование и наука не најдоа време да се сретнат со нив ниту да одговорат на нивните барања кои пред повеќе од две недели написмено ги доставија до нив.

Повеќе од Актуелно

Маркетинг
ДО ВРВ
error: Содржината е заштитена со авторски права.