Утре излегува последниот број на „Дневник“

Утре излегува последното издание на дневниот весник „Дневник“.

Оваа одлука денеска на вработените им ја соопштил Александар Динев, сопственикот на новата фирма „Медиа принт“ која го издава „Дневник“.

Вработените во оваа фирма која ги издаваше и магазинот „Теа модерна“ и порталот „Телеграф“ од утре се на одмор кој ќе трае 20 дена, додека да се средат формалностите.

Причините за затворањето на фирмата, која ги издава и неделникот „Теа модерна“, порталите „Телеграф“, „Вест“ и „Утрински весник“, се немањето финансии и неодобрениот кредит за продолжување на фирмата.