ВИКЕНД ПРОГНОЗА: Променливо облачно со сончеви периоди, во недела пороен дожд

Времето во Македонија ќе биде променливо облачно со сончеви периоди. Ќе дува умерен, повремено засилен северен ветер.

Околу пладне и попладне ќе има повремени врнежи од дожд особено во крајните западни и источни делови каде што е можна и ретка појава на грмежи.

Утринската температура ќе се движи од седум до 13, а дневната од 16 до 23 степени.

Во Скопје слично време, променливо облачно со сончеви периоди и со умерен до засилен северен ветер. Утринската температура ќе се спушти до 10, а дневната ќе достигне до 22 степена.

Во недела на повеќе места ќе има пороен дожд и грмежи, меѓутоа процесите не се очекува да бидат интензивни. Од почетокот на наредната недела се очекува стабилно и потопло време.