ВНИМАВАЈТЕ: Вечерва невреме со пороен дожд – од утре пад на температурата за 10 степени

Времето во Македонија претпладне ќе биде сончево со мала до умерена облачност. Попладне ќе биде нестабилно, на повеќе места со пороен дожд, грмежи и засилен ветер, а локално процесите ќе бидат поинтензивни и во форма на невреме, со интензивен пороен дожд силни електрични празнења и силен ветер.

Температурата ќе се движи од 24 до 35 степени. Во Скопје и околината слично време со температура до 29 степени.

Во следните денови ќе има повторно обилни врнежи од дожд наместа проследени со ретки грмежи и со засилен северен ветер. На повеќе места врнежите ќе бидат изобилни. Температурата на воздухот во вторник ќе биде за 10-тина степени пониска, а од четврток ќе има постепен пораст.

Oд УХМР препорачуваат во случај на појава на електрични празнења да не се престојува на отворен простор и под осамени дрвја.