3Д пешачки премини во Исланд (ВИДЕО)

Исландските власти ќе се обидат да ја унапредат безбедноста на пешаците со помош на т.н. 3Д пешачки премини, особено на местата на кои возачите често поминуваат на црвено.

Секако, „зебрите“ ќе бидат дводимензионални, но нацртани така што ќе личат на квадари столбови, што лебдат над асфалтот. Идејата е – тоа да ги потсети возачите да ја намалат брзината.

Оптичките илузии не се новост во сообраќајната сигнализација. Во 2008 година во американскиот град Филаделфија првпат беа исцртани „лежечки полицајци”, а подоцна тие се појавија и во Германија, Велика Британија, Белгија, Австрија, Шпанија, Индија.