АКО СТЕ ГЛАДНИ: Пица која чини 2.000 долари

Еден њујоршки ресторан нуди пица вредна 2.000 долари, која меѓу другото, се состои од тартуфи, кавијар од есетра, гускин дроб и 24-каратни ливчиња злато, пишува списанието „Ескваер”.

Специјалитетот приготвен на јаглен, е дело на компанијата „Индустри кичен”. Синото сирење „Стилтон”, кое исто така е една од состојките, е увезено од Англија, тартуфите и гускиниот дроб се од Франција, кавијарот е од Каспиското Море а златните листови од Еквадор.

Маестро Браулио Бунеи, готвачот автор на ова своевидно ремек-дело, дошол до таа идеја, оти неговиот ресторан се наоѓа во непосредна близина на њујоршката финансиска елита, каде секојдневно наминуваат бизнисмени од секаков калибар.

Сепак, за да уживате во оваа закуска, ќе треба да ја нарачате 48 часа претходно.