Голи модели му пркосеа на студот поради „Бојата на поларната мечка“

Неколку машки и женски модели со  голи обоени тела прошетаа низ Тајмс Сквер во Менхетн, пркосејќи им на студот и дождот, во рамки на манифестацијата „Бојата на поларната мечка” (The Polar Bear Paint).

Манифестацијата ја организирал уметникот Енди Голуб, кој употребил бои за тело, со цел да ја промовира поврзаноста на луѓето преку уметноста.

Моделите кои учествуваа во манифестацијата тргнаа „насликани“ од студиото во Тајмс Сквер, а потоа продефилираа низ улиците, позирајќи пред фоторепортерите, снимателите и љубопитните туристи.