Конзумирањето риба ја намалува депресијата

Честото конзумирање риба резултира со намалување на ризикот за депресија за 17 отсто, се наведува во студија спроведена од научници од Универзитетот во кинескиот град Кингдао.

Според нив, рибата е богата со многу хранливи материи, вклучувајќи омега 3 масни киселини, висококвалитетни протеини, витамини и минерали кои веќе се поврзани со намален ризик за депресија.

Најважен фактор можело да биде омега 3 масните киселини кои можат да влијаат на функцијата на невротрансмитери како допамин или серотонин.

Проценето е дека депресијата погодува 350 милиони луѓе во светот.

Сознанијата на кинеските научници се темелат врз основа на податоците собрани за потребите на 26 претходни студии спроведени со учество на 150.000 испитаници.

Воочената врска меѓу често конзумирање риба и помалиот ризик за депресија е поизразено кај мажите.