Најбогатиот фудбалер во светот игра за резервите на Лестер

Фудбалот е шанса за огромно мнозинство на човештвото да избега од безнадежната иднина, мизерија, глад и насилство. Фудбалот создава огромни можности и, во најмала рака, обезбедува исклучително луксузен животен стил за повеќето професионалните играчи.

Но, тоа не е случај со 20-годишниот Фаик Џефри Болкиа, кој е најбогат играч во светот, иако игра за резервите на Лестер. Неговото богатство, сепак, не е добиено со многу пот на фудбалски терени.

Фаик е внук на султанот од Брунеи, држава со двe минитеритории во северозападниот дел на островот Борнео.

Султанот на Брунеи, е еден од најбогатите луѓе на Земјата, со богатство од над 15 милијарди долари – главно од екстракција на нафта и гас, која се извезува во многу земји, а Фаик може да располага со ова богатство како што сака.

Неговиот татко, Џефри Болкиа, има слава на еден од најголемите плејбои меѓу најбогатите мажи. Неговата финансиска состојба е околу 10 милијарди американски долари и е на чело на државната инвестициска фирма во Брунеи во изминативе 15 години.

Сепак, младиот наследник на тронот е подготвен да ги развие своите фудбалски квалитети. Тој почнува да сонува за професионалниот фудбал од неговите денови како мало момче. Големите финансиски можности на неговото семејство обезбедуваат тестови за некои од најелитните клубови во Премиер лигата – Саутемптон, Арсенал, Челзи и Лестер.

Од 2016 година, Фаик е пријавен за првиот тим на „лисиците“, но се уште не одиграл ни минута за тимот. И покрај милијардите на своите роднини, Фаик продолжува да игра за резервите на Лестер, но со мал успех. Тој се уште нема учество на професионално ниво на клубот, но има девет натпревари за националниот тим на Брунеи, каде има еден постигнат гол.

Фаик имаше чест да биде капитен на неговата земја на турнир во 2017 година, со кој им се помогна на земјите погодени од цунами. Иако игра за Брунеи на национално ниво, Фаик Болкиа е роден во Лос Анџелес во 1998 година.

Сепак останува лојалноста кон татковината и семејството.

– Играв фудбал од мал. Секогаш ми се допаѓаше оваа игра, вели младиот фудбалер.

Ако авантурата помеѓу Фаик и фудбалот не донесе среќен крај, момчето сигурно нема да остане на улица. Во моментов дури и фудбалот не е во можност да создаде толку богатство, со колку располага Фаик.