РОДЕНДЕНСКИ ПОДАРОК ЗА СВЕТОТ: Кралското семејство објави фотографија од малата Шарлот (ФОТО)

Среќен роденден Шарлот! Да, поминаа две години од доаѓањето на свет на малата принцеза.

По тој повод, палатата Кенсингтон објави нова фотографија од принцезата Шарлот, направена низ објективот на нејзината мајка, водводката Катерин.

Војводата и војводката на службениот Твитер профил на Палатата напишаа дека се воодушевени што можат да ја споделат оваа фотографија со јавноста и заеднички да го одбележат овој посебен ден на нивната ќерка.

The Duke and Duchess are delighted to share a new photograph of Princess Charlotte to mark her second birthday tomorrow ? pic.twitter.com/0Xftc3EFPz

— The Duke and Duchess of Cambridge (@KensingtonRoyal) May 1, 2017

Сите обожаватели на кралското семејство посебно се воодушевени од оваа фотографија, особено поради фактот што Шарлот ја фотографираат многу ретко, односно последниот пат јавноста ја виде на чајанката во Канада, фотографирана како си игра со нејзиниот брат, принцот Џорџ и балоните во градината.

Инаку, целосното име на малата принцеза е Шарлот Елизабет Дијана, со што родителите им оддаваат почит на нејзината баба, принцезата Дијана и нејзината прабаба, кралицата.

Ваквиот тип на портретски роденденски фотографии станаа традиција во кралското семејство.