Поврзи се со нас
Маркетинг

Популарно.мк

Ѕвездите на AVON во Скопје блеснаа во сјајот на холивудскиот гламур од 20-тите години на минатиот век

Занимливости

Ѕвездите на AVON во Скопје блеснаа во сјајот на холивудскиот гламур од 20-тите години на минатиот век

Минатиот викенд, во хотелот „Мериот“ се одржа 12. по ред Национална годишна конференција на AVON Македонија. Компанијата веќе со години практикува исклучително креативен и несекојдневен тематски пристап со кој секоја конференција дише со посебен шарм и енергија.

Годинава, организаторите одлучија присутните во салата да ги вратат отприлика 100 години наназад, во времето на гламурозните забави на големиот Гетсби и да предизвикаат општа воодушевеност кај публиката, почнувајќи од изгледот на салата, па сé да фантастичното сценарио и перформанс на бината.

Водители на овој незаборавен настан беа шармантната и талентирана актерка и танчерка, младата и прекрасна Нина Деан, додека нејзин целовечерен партнер беше харизматичниот и ултра популарен водител и шоумен Жарко Димитироски. Присутните ги забавуваше и пејачот Даниел Кајмакоски.

Во салата беа присутни најуспешните за 2017-та година, кои заслужено освоија прекрасни наградни патувања. Најдобрите 5 претставници годинава ќе уживаат во убавините на Лисабон, додека најдобрите 5 лидери ќе се сончаат на егзотичниот брег на Коста Дел Сол, Шпанија.

Наградата за најдобра зона во Македонија и оваа година отиде во рацете на Зона 6, која веќе трета година заслужено ја потврдува оваа титула.

Зоналните менаџери добија специјална тимска награда – пролетно патување во Прага за особени резултати постигнати во последниот квартал од 2017-та година.

Присутните гости во салата ги поздрави Регионалниот менаџер за продажба за Бугарија, Македонија и Албанија, Даниел Шопов, кој на оваа позиција стапи на 1-ви февруари оваа година.

Заменик Националниот менаџер за продажба за Македонија, Марина Цигарида изјави: “Горда сум што имам чест да бидам лидер на ваков прекрасен тим од успешни луѓе, кои и во 2017-та година докажаа дека со посветена и напорна работа може да се постигнат врвни резултати, кои вечерва сите заедно ги славиме и наградуваме. Посакувам од срце нашите успеси да продолжат и во 2018-та година и нашето AVON небо да засвети со многу нови сјајни ѕвезди. ”

AVON е компанија која повеќе од 130 години се залага за благосостојбата на жените во општеството и им помага да си обезбедат финансиска независност и да развијат сопствен бизнис. Успешните приказни на лидерите и претставниците кои беа заслужено наградени на Националната конференција уште еднаш ја докажуваат силната посветеност на AVON кон долгорочен развој на човечкиот потенцијал кој претставува движечка сила на оваа компанија повеќе од еден век.

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Занимливости

Маркетинг
ДО ВРВ
error: Содржината е заштитена со авторски права.