Киванч и Туба внесуваат многу емоции во хит серијата „Украдено минато“

„Украдено минато“ е нова турска серија која се емитува на каналот Дизи и која сигурно ќе ги освои вашите срца.

Во фокусот на приказната се двајцата главни протагонисти – Цесур и Сухан, кои одлично се претставени од страна на извонредните актери Киванч Татлитуг и Туба Бујукустун.

Храбриот Цесур Алемдароглу (Киванч Татлитуг) се враќа во мало гратче во околината на Истанбул, Корлудаѓ, со единствена цел: да му се одмазди на Тахсин Корлудаг поради нивното вековно семејно непријателство. Но, тој не го зема предвид неочекуваното.

„Цесур е човек кој доживеал големи трагедии во минатото. Тој е во потрага по вистината за своето семејство.“, вели Татлитуг за неговиот лик во едно интервју емитувано пред прикажувањето на серијата во Америка. „Тој сака да знае што точно се случило со неговиот татко, со неговата мајка и со секој член од неговото семејство. Тој е народен човек, одличен комуникатор со ладен темперамент, самоуверена и силна личност“. – додава Киванч за улогата што извонредно ја одигра.

Туба Бујукустун во интервју за турски ТВ магазин изјавила дека била фасцинирана од улогата на Сухан.

„Сухан е независна и успешна деловна жена, длабоко лојална на своето семејство, но додека лагите и злоделата на Корлудаг се откриваат една по друга, таа се наоѓа себеси растргната помеѓу нејзиниот татко и човекот што го сака“, вели Туба.

Тахсин е глава на семејството Корлудаг, неговото богатство и големо влијание во општеството прават сите да го почитуваат или барем да му се плашат. Нема место или лице во градот што тој не го контролира. Тахсин има две деца, синот Корхан кој е големо разочарување за главата на семејството и Сухан, неговата сакана, паметна и убава ќерка. Сопругата на Корхан безуспешно се обидува да забремени. Преплашена е дека Сухан ќе му даде наследник на Тахсин и со тоа ќе и припадне семејното богатство. Заслепена, таа се обидува да ја убие својата золва.

Меѓутоа, нејзините зли планови се расипуваат кога во приказната влегува згоден странец кој и го спасува животот на Сухан. Цесур влегува во врска со Сухан и во семејството на неговиот непријател станува син каков што Тахсин отсекогаш посакувал.

Но, она што никој не го знае е дека одмаздата тече во вените на овој странец и не е случајно што тој се појавил во тој момент. Дали неговата љубов кон Сухан ќе го спречи да продолжи со одмаздата кон Тахсин или и љубовната врска со Сухан е дел од неговиот голем план за одмазда?

„Украдено минато“ има освоено неколку телевизиски награди во Турција како и наградата „Сребрена птица“ за најдобра драмска серија на Интернационалните драмски награди во Сеул. Серијата беше номинирана и за Еми во категоријата теленовела.

Нашите гледачи ќе можат да уживаат во случувањата од животите на Цесур и Сухан, секое попладне со почеток од 16:45 на каналот Dizi.