Полицаец го прекина настапот на Ед Ширан во Индија – пејачот реагираше со шега (ВИДЕО)

Ед Ширан се најде во неочекувана ситуација откако полицијата го прекина неговиот настап на отворено во Бенгалуру, Индија, на 9 февруари.

Познатиот пејач, кој моментално е на светска турнеја, се огласи на Инстаграм со хумористичен коментар:

„Мислам дека полицаецот повеќе го сака Бруно Марс“, се пошегува Ширан, алудирајќи на ненадејниот прекин на концертот.

Во моментот на инцидентот, Ширан ја изведувал својата мегахит песна “Shape of You”, а целата сцена била едноставна – само микрофон и акустична гитара. Фановите биле воодушевени од настапот сè додека униформиран службеник не пристапил и не го исклучил микрофонот. И покрај обидите на пејачот да продолжи, концертот бил прекинат, а видеото од настанот брзо се прошири на социјалните мрежи.

Фановите сè уште дебатираат за причините за ваквиот потег на полицијата, но едно е сигурно – Ед Ширан не губи време за добар хумор!