ХИТ НА ИНТЕРНЕТ: Дечкото ѝ дал договор за невознемирување додека трае Европското првенство во фудбал

Британката Џорџија Холмс на својот Тикток профил го покажа договорот што и го дал Џоел, нејзиното момче, по повод Европското првенство во фудбал.

Тој, во договорот ставил правила кои Џорџија мора да ги почитува, додека трае првенството.

– „Го пишувам овој мејл како документ со условите и одредбите за Европското првенство, што ќе се одржи од петок, 11 јуни 2021 година, до недела, 11 јули. Сега ќе ги набројам условите и одредбите…“ – се вели во договорот кој стана хит на социјалните мрежи.

Правилата вклучуваат дека нема да има „интеракции со мобилни телефони“ освен ако тој не и се јави да и каже „дека фудбалот се враќа дома“.

Второто правило е дека никогаш не треба да го прашува кога ќе се врати дома, бидејќи поголемиот дел од времето ќе го помине во паб.

Клаузула три, сепак, дозволува Џорџија да го повика своето момче кога станува збор за итни случаи. Може да му испраќа пораки само на полувреме или на крајот од натпреварот, бидејќи неговото „целосно внимание мора да биде насочено кон играта“.

Испраќањето пораки за време на пенали е строго забрането.

Тој исто така додаде дека секое лошо расположение предизвикано од играта не смее да се сфати лично, а исто така најавил дека често ќе се враќа дома во алкохолизирана состојба.