Магазин

Заврши прославата на платинестиот јубилеј на кралицата Елизабета: „Почестена сум и длабоко трогната што толку многу луѓе излегоа на улиците“

Од

Новинар @ Популарно.мк

Објавено на јуни 6, 2022

Сподели

Твитни

Четиридневната прослава на платинестиот јубилеј на кралицата Елизабета Втора заврши вчера.

Десетици илјади луѓе присуствуваа на свеченостите и парадите одржани во центарот на Лондон, а на крајот на сите им се обрати и самата кралица.

-Кога станува збор за тоа како да се одбележат 70 години на владеење на вашата кралица, не постои водич што треба да се следи. Ова е навистина првпат. Но, јас сум почестена и длабоко трогната што толку многу луѓе излегоа на улиците за да го прослават мојот платинест јубилеј – истакна кралицата Елизабета Втора во соопштение објавено од Бакингемската палата.

View this post on Instagram
A post shared by The Royal Family (@theroyalfamily)

Иако беше принудена да пропушти голем број настани поради проблеми со подвижноста, сепак во неделата на последниот ден се појави на балконот на Бакингемската палата за да и мавне на публиката.

-Иако можеби не присуствував лично на секој настан, моето срце беше со сите вас и останувам посветена да ви служам најдобро што можам, со поддршка од моето семејство. Ме инспириравте со љубезноста, радоста и поврзаноста што ја покажавте во последните денови, се надевам дека ова обновено чувство за заедница ќе продолжи уште многу години – заклучи кралицата.