Дарко Билбиловски – амбасадор на македонскиот фоклор во Холандија

Нa 27 мај во холандскиот град Утрехт, познатиот фолк пејач Дарко Билбиловски ќе запее пред Македонците кои живеат таму, во придружба на балканската група„Балкан бенд Холандија“.

Билбиловски на присутните ќе им ги испее убавите македонски, и некои балкански песни.

Дарко е изведувач на народни песни и професор по историја во скопската гимназија „Раде Јовчевски Корчагин“.

– „Ова е еден интересен и чуден спој, градење на пријателски односи преку фолклорот.“ – вели Билбиловски.

Негова желба е да биде амбасадор исклучиво на квалитетна и репрезентативна македонска музика, и затоа неговиот репертоар се состои претежно од традиционални македонски песни, и новосоздаден во тој стил, избрани со голема селективност.

Организатор на овој настан во Холандија, е македонското културноуметничко друштво „Гоце Делчев“ од Утрехт.