ЕНЕРГИЧЕН СТАРТ НА ПИВОФЕСТ: Fly Project направија вистинска журка во Прилеп

Одличен старт на 14. издание на Фестивалот на пивото „ПИВОФЕСТ 2016“ во градот под Марковите кули.

Како што најавија, „Флај проџект“ направија одлична забава и ја запалија публиката во Прилеп. Романците на сцената се појавија подготвени за одлична забава и добро подготвениот настап го постигна она што го очекуваа – одличен прием на публиката, на која не и беше важно што забава продолжи и до три часот по полноќ.

Покрај нивните хитови, кои публиката ги пееше заедно со Тудор и Дан, очите на сите повторно беа вперени во згодните танчерки, Дијана и Ана Марија. А, имаше и зошто. Забавата продолжи со диџеј сет на диџејот на „Флај Проџект“.

<

►

>

На гостите не им пречеше ни тоа што денес е работен ден, бидејќи во изненадувачки голем број за четврток дојдоа на главната фестивалска бина.

Инаку вечерта почна со згревање со домашните блузери „Кросроуд бенд“, а атмосферата почна да се вжештува со настапот на тетовскиот реге-бенд „Конкеринг лајон“, кои како свој специјален гостин го донесоа Јамајканецот Рафаел.

Кулминацијата на вечерта, според публиката, ја постигнаа гостите од Србија, групата „Тропико бенд“, на чело со Aлександар Цветковиќ – Саша. Повеќе од два часа публиката пеееше во еден глас, секој стих и секоја песна. Девојките, пак, се испотепаа да стигнат што е можно поблиску до бината и до харизматичниот Саша.