Сцена
MTV Video Music Awards 2023: Тејлор Свифт со најмногу номинации
Пристигнаа номинациите за видео музичките награди на MTV за 2023 година!
Тејлор Свифт води во овогодинешните номинации со вкупно осум номинации, вклучително и изведувач на годината, видео на годината и песна на годината за нејзиниот хит „Anti-Hero“, меѓу другите. SZA ја следи со шест номинации.
Dоја Cat, Ким Петрас, Мајли Сајрус, Ники Минаж, Оливија Родриго и Сем Смит освоија по пет номинации, додека BLACKPINK, Диди и Шакира имаат по четири.
Петрас, Рема, GloRilla и Ајс Спајс се меѓу 35-те првпат номинирани.
За прв пат откако VMA ја воведе категоријата за уметник на годината во 2017 година, сите номинирани се жени – Бијонсе, Doja Cat, Karol G, Минаж, Шакира и Свифт.
МТV Видео музичките награди оваа година додаваат нова категорија – најдобaр афробит (Best Afrobeats). Ова е третата категорија специфична за жанр што е додадена на VMA во овој век, по латинската (2006) и К-поп (2019). Петте други жанровски категории на VMA беа воведени во минатиот век – рок (1989), алтернативен (1991), R&B (1993) и поп и хип-хоп (и двете 1999).
MTV VMA наградите за 2023 година ќе се одржат на 12 септември (вторник) во 20 часот и ќе бидат пренесувани во живо од Prudential Center во Њуарк, Њу Џерси.
