Балетскиот спектакл „Есмералда“ на сцената на Националната опера и балет на 7 февруари

Ремек-делото на класичниот балет „Есмералда“ од Чезаре Пуњи ќе биде изведено на сцената на Националната опера и балет на 7 февруари во 20:00 часот.

Приказната инспирирана од романот „Ѕвонарот на Богородичната црква“ на Виктор Иго ќе оживее под диригентската палка на Едуард Амбарцумјан (Ерменија), со кореографија на Михаил Крапивин (Русија). Импресивната сценографија и костимографија се дело на Живојин Трајановиќ и Љупка Ристовска, а концерт-мајстор е Јане Бакевски.

Главните улоги ќе ги толкуваат Христина Наќевска Митрашиновиќ (Есмералда), Франциско Хименес Руиз (Феб) и Наташа Трендафилова Гицев (Флер де Лис), заедно со првенците, солистите, балетскиот ансамбл и оркестарот на Националната опера и балет.

✨ „Есмералда“ е балетско ремек-дело што нуди спектакуларни танцови изведби и длабока емоционална приказна за љубовта, страста и судбината. Не пропуштајте го ова незаборавно искуство!