ЕГЗИТ со своја вечер на славниот Амстердам Денс Евент, во еден од највозбудливите клубови на светот!

ЕГЗИТ фестивалот оваа година повторно ќе оствари соработка со славниот АДЕ (Amsterdam Dance Event), и тоа на забавата која во петок, 15 октомври, ќе се одржи во „Фаралда Крејн“ (Faralda Crane), еден од највозбудливите клубови и хотели на светот, кој се наоѓа 50 метри над Амстердам, на врвот од монументалниот градежен кран.

Како единствена фестивалска групација на светот која во 2021 година успеа да организира четири фестивали во три различни држави, ЕГЗИТ на амстердамската публика и на гостите на АДЕ ќе им претстави еклектична програма од ценети интернационални изведувачи на електронската музика, во која учествуваат Анфиса Летјаго, Адиел, Диџеј Џок, Даниела да Силва, Хјуман Риас и Лиеке Триенекенс. Настапите почнуваат во 17 часот, а ќе бидат емитувани и во живо на Фејсбук страницата и Јутјуб каналот на Егзит.

„Амстердам Денс Евент“ (Amsterdam Dance Event) е најголемата смотра на електронската музика во светот, која ги собира сите водечки, но и претстојни диџеи, продуценти, издавачи, агенти, промотори, продукциски куќи и бројни други актери на глобалната електронска сцена, а годинава се одржува од 13 до 17 октомври. Фестивалската програма вклучува над 350 настани во чии рамки ќе настапат Адам Бејер, Шарлот де Вит, Масео Плекс, Нина Кравиц, Пол Калкбренер, и многу други угледни светски имиња од електронската музика.

Соработката на ЕГЗИТ со АДЕ трае од 2018 година, кога Егзит се придружи на настанот со својата „Но Слип“ (No Sleep) музичка платформа и пред најзначајните претставници на музичката индустрија ги претстави некои од најдобрите диџејски таленти од нашиот регион, како што се Марко Настиќ, Илија Џоковиќ и Диџеј Џок. Продолжението на соработката со АДЕ во 2019 година го претстави првиот • LIFE STREAM настан, со кој започна најголемиот еколошки проект на овој фестивал. Тогаш на АДЕ, исто така во „Фералда Крејн“, настапија АРТБАТ, во тој момент добитници на наградата за најдобар нов диџејски тандем, како и регионалните таленти Коеус, Афтер Афер, Ендру Мелер.

Анфиса Летјаго (Anfisa Letyago) најпрвин се афирмираше на наполитанската клупска сцена, а потоа следеа изданијата за њујоршките „Нервос Рекордс“ и „Коксов Интек“ етикети, како и настапите на најголемите светски фестивали. Во овој момент таа е една од глобално најбрзо растечките ѕвезди на електронската сцена, која храбро чекори по стазата на Нина Кравиц, Шарлот де Вит и Амели Ленс. Адиел (Adiel) е мултиталентирана италијанка со резидентура во римскиот клуб „Гоа“ и сопственичка на издавачката куќа „Данца Трибале“. Сплитскиот продуцент и Диџеј Џок (DJ Jock), важи за еден од најквалитетните продуценти меѓу новите генерации на хрватската, но и регионалната сцена. Даниела да Силва (Daniella da Silva), со потекло од Јужна Африка, и со диплома за музичка продукција од Соул Канди Институтот, е претставничка на берлинската андерграунд сцена. Хјуман Риас (Human Rias) познат е како резидент и букер на некогашниот култен минхенски клуб MMA (Mixed Munich Arts), додека домаќинка на вечерта е амстердамската диџејка Лиеке Триенекенс (Lieke Trienekens).