АВАЛОН ПРОДУКЦИЈА: Супер моќните Placebo сепак доаѓаат во Скопје!

По откажувањето на нивната европска турнеја во 2019 година (од причини за кои веќе е тажно да се зборува), која ги опфаќаше и Скопје и Македонија, Авалон продукција го одржа ветувањето и го потврди доаѓањето на еден од најголемите, највозбудливи и сигурно најконстантни по својот квалитет рокенрол бендови во овој век, PLACEBO, на 16-ти јули 2022 година, на стадионот на АРМ во Скопје.

Само неколку дена по објавувањето на една од најубавите нивни песни досега, новиот сингл „Beautiful James“, најава на новиот албум- организаторите добиле дозвола да го објават и овој голем евент.

Влезниците ќе бидат пуштени во продажба во петок, 15ти октомври во 09 часот наутро преку продажната мрежа на Авалон и онлајн на avalon.mk, по следниве цени и категории:
ПАРТЕР: 1500 денари
ФАН ПИТ: 1990 денари (само 1000 влезници во продажба)

Оние што ги имаат зачувано влезниците за настанот кој требаше да се одржи на 25.06.2020 година, не мора да ги заменуваат картите со новиот датум доколку тоа не го сакаат бидејќи сепак ќе им бидат важечки.

ВАЖНО: Со објавата за овој концерт, започнува серијата на објави на големи светски имиња за Македонија и регионот за 2022 година!