TYGA: „Првпат доаѓам во Македонија, фантастично си поминав и ветувам повторна дружба“ (ГАЛЕРИЈА)

Конечно добивме одговор на најголемата мистерија во последните 6 месеци во Македонија, „Дали е можно во нашата држава за прв пат во историјата да дојде актуелна светска мегазвезда – одговорот е Да”.

На огромна радост на армијата фанови од цел Балкан, Fusion Festival го оствари невозможното и на стадионот на АРМ бевме сведоци на „светско чудо” со фантастичен перформанс на пионерот на современата хип хоп сцена – Tyga.

TYGA во оваа прилика изјави: “првпат доаѓам во Македонија, фантастично гостопримство, фантастична публика, перфектна организација, ветувам дека повторно ќе се дружиме и лудуваме” .

Најголем доказ за ова е фактот што менаџментот на TYGA дозволи комплетното шоу да се снима и во наредните денови очекувајте видео материјали од спектаклот!

Секако ова претставува огромен успех на Fusion Festival со кој може да се гордее цела Македонија.

Важно за напомена, светската продукција со Tyga со одлични перфоманси ја поделија нашите најдобри претставници на современата Хип Хоп сцена Irie Scrach, Dj Pancho aka Shorty P и Young Dadi, со луда завршница на нашиот најперспективен диџеј Ампов!

Fusion Festival изразува огромна благодарност до сите фанови и град Скопје како поддржувач на настанот.