fbpx
Поврзи се со нас
Маркетинг

Популарно.мк

Уникатен фестивал на светлина во Скопје – трето издание на „Skopje Light Art District“

Настани

Уникатен фестивал на светлина во Скопје – трето издание на „Skopje Light Art District“

Од 19 до 22 август ќе се одржи третото издание на фестивалот на светлина „Skopje Light Art District “ на 18 локации, почнувајќи од симболот на Скопје, каде за прв пат граѓаните на Скопје ќе имаат можност да присуствуваат на уникатно доживување, видео мапинг на Камениот мост, проследено со музика и анимации, изработени од страна на реномираната француска продукција Loom Prod. 

Замислената рута на движење ќе се протега од Камениот мост, кејот на реката Вардар, зградата на МЦМ и Градскиот парк. За прв пат, годинава, фестивалот има своја тема, односно ќе се обиде да даде одговори и продуцира решенија претставени преку креации на светлина на општествените недостатоците како: екологија, еколошката свест и поттикнување на одговорноста за зачувување на животната средина.

Овој тип на настан има повеќе свои улоги, но она што највеќе се истакнува е промоција и интеграција на уметноста, изградената архитектура и околината на архитектурата. Предизвикот е голем. Нашата мисија е да го истакнеме градот како жив организам и да ја возбудиме имагинацијата и поттикнеме простор за креативност и истражувачки несекојдневен ритам.

Од друга страна, потребата за организирање на ваков своевиден музеј на отворено, произлегува од малата посетеност на музеите, културните институции и галерии во Градот како и слабата едукација од областа на културата и културното живеење.

Оваа година, имаме учество на повеќе од 25 домашни и странски уметници и изведувачи со чија помош ќе ја презентираме и потсетиме врската помеѓу културнотот наследство, Камениот мост и модерното живеење, односно модерното живеење истакнато преку потребата од зелена еколошка свест, најголемата зелена површина во градот, Градскиот парк.

Традиционално, веќе трета година по ред настанот е во организација на ЈУ Универзална сала-Скопје, така што пред се тука се вработените во институцијата. Тука е и Александра Стратимировиќ Дагфелд, уметничката директорка на фестивалот, која како реномиран уметник од областа на светлосната уметност, ја доловува магијата од познатите светски фестивали на светлина. Во организацискиот тим на Skopje Light Art District има уште неколку лица кои учествуваат уште од првото издание на фестивалот, кои пренесуваат практики и искуства, работејќи на други реномирани европски фестивали. Оваа година за прв пат имаме и група на волонтери кои ќе се вклучат во организација на годинешното трето издание. 

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Настани

Маркетинг
ДО ВРВ
error: Содржината е заштитена со авторски права.