Новиот Џејмс Борн пристигнува во кината (ВИДЕО)

Акцискиот трилер „Џејмс Борн“ на режисерот Пол Гренграс, кој го одбележува враќањето на Мет Дејмон на големите екрани во улогата поранешниот агент на ЦИА кој пати од амнезија, по европската премиера во Лондон на 27 јули, за време на летово ќе пристигне и во кината низ целиот свет.

Дејмон го отелотвори Борн во првите три продолженија на овој филмски серијал, снимени според делата на Роберт Ладлам, „Борновиот идентитет“ (2002), „Борновата надмоќ“ (2004) и „Борновиот ултиматум“ (2007).

Во петтото продолжение на серијата Дајмон се врати во оваа франшиза, откако одби да игра во четвртиот дел „Борновото наследство“ (2012).

Во пресрет на европската премиера во Лондон, Дејмон изјави дека „навистина е забавно“ повторно да се најде во улогата на поранешниот убиец на ЦИА. Но, сепак призна дека повеќе од 15 години по неговата прва улога во серијалот за Борн, му било многу тешко да се подготви за оваа физички напорна улога.

– Да се подготвиш за таа улога е многу тешко, многу потешко сега кога имам 45 години, отколку кога имав 29, рече Дејмон.

Во новото продолжение на серијалот, Дејмон се наоѓа на грчко-македонската граница, децении по неговото исчезнување на крајот на третиот дел. Со него се враќа и актерката Џулија Стајлс како неговата колешка, оперативката Ники Парсонс, која исто така, играшр во првите три филма.

Во главните улоги се јавуваат и Алиша Викандер, Винсент Касел и Томи Ли Џонс.