Познати уште 10 финалисти на Евровизија, објавен распоредот на настапите во финалето

Заврши втората полуфинална вечер на 68. издание на Изборот за песна на Евровизија.

Позната е комплетната листа на финалисти за „Евровизија 2024“ која годинава се одржува во Малме.

Пред публиката се претставија натпреварувачи од следните земји: Малта, Албанија, Грција, Швајцарија, Чешка, Австрија, Данска, Ерменија, Латвија, Сан Марино, Грузија, Белгија, Естонија, Израел, Норвешка, Холандија и од нив беа избрани уште 10 други финалисти.

Тоа се: Латвија, Австрија, Холандија, Норвешка, Израел, Грција, Естонија, Швајцарија, Грузија и Ерменија.

Покрај нив, во првото полуфинале кое се одржа во вторникот, во финалето на Евровизија се пласираа и Србија, Португалија, Словенија, Украина, Литванија, Финска, Кипар, Хрватска, Ирска и Луксембург,

Секако, задолжителни учесници во финалето се „големата петорка“ – Шпанија, Франција, Велика Британија, Германија и Италија, кои по правило директно се натпреваруваат во финалето. Покрај нив, тука е и минатогодишниот победник – Шведска.

Познат е и распоредот по кој ќе настапуваат сите 26 земји кои ќе настапат во финалето.

Во полуфиналето гласаше само публиката, а жирито се вклучува во финалето кое ќе се одржи во сабота на 11 мај.