Прва полуфинална вечер на Евровизија

Вечерва, во 21:00 часот започнува првата полуфинална вечер на Евровизија 2025, која оваа година се одржува во швајцарскиот град Базел. Главната сцена се наоѓа во салата Санкт Јакобшале, а гледачите можат да очекуваат музички спектакл полн со различни жанрови, оригинални изведби и добро познатата евровизиска енергија.

Шеесет и деветтото издание на Евровизискиот натпревар за песна во Базел започнува со првото полуфинале каде што ќе се натпреваруваат 15 учесници.

Од вкупно 37 земји кои се натпреваруваат за победа оваа година, следните 18 земји ќе бидат претставени за време на првата полуфинална вечер:

Естонија, Исланд, Полска, Португалија, Словенија, Шведска, Украина, Албанија, Азербејџан, Белгија, Хрватска, Кипар, Холандија, Норвешка, Сан Марино, како и Италија, Шпанија и Швајцарија – две земји од „Големата петорка“ и домаќинот кои автоматски се квалификуваат за финалето.

Швајцарија стана домаќин на натпреварот откако минатата година во Малме победи Немо со песната „The Code“. Евровизискиот натпревар се одржува во Санкт Јакобшале, а водители на церемонијата се Хејзел Бругер, Мишел Хунцикер и Сандра Студер.